Ինչպես փոխել նեթբուքի էկրանի նկարը

Անցած տարի ծննդիս ինքս ինձ նվեր էի արել` մի հատ այ սենց պուպուշ Ճուտո որդեգրեցի 🙂 բերեցի ու սկսեցի ուսումնասիրել… Ամենապետքական ծրագրերը տեղադրելուց հետո անցա դիզայներական աշխատանքներին,  դե իհարկե առաջին հերթին դեսկթոփի նկարը փոխելու արարողությունն է… ու պարզում եմ, որ նման ֆունկցիա չունեմ 😦 #Պահոո, խառնվեցի իրար, ախր ոնց… բա էն “Wallpapers” պապկեն տենց անպիտան մնալուա… ? Ու ոնց անում են նման դեպքերում, անմիջապես սկսեցի հարցախեղդ անել Գուգլին (էն ժամանակ էլ հո Արմենիքս չկար, որ գրեի, զգուշացնեին` մնդո’, դամբուլություններ չանես…): Յութուբից մի վիդեո գտա, որ պարզ, մատչելի ու հանգամանալից բացատրում էր ինչը ոնց անել` քայլ առ քայլ, դե իհարկե ինչեր ասես չքաշեցի ու ինստալ արեցի, մենակ էտ պահի ոգևորությունս եմ հիշում, ու երբ վիդեոում ասվում է` ահա վերջ, ռեստարտ արեք ու ինչ նկար ուզում եք քցեք… միանումա Ճուտոս ու էկրանին ինչ-որ անհասկանալի գունային գամա :/ վայն եկելա` տարել, եթե թաչփեդով սահելիս միամիտ քլիք ա լինում դեսկթոփին… գնաց ռեստարտը առանց հարցնելու: Ու ստեղ միանումա պանիկայի կնոպկան,  լավ էր երաշխիքի մեջ էինք, վռազ վազեցի խանութ ու ինձ լուսավորեցին, որ վինդոուզ 7-ով աշխատող  նեթբուքերը չունեն տենց հնարավորություն` թեթև աշխատելու համար… :/ իսկ ես տվել վինդոուզս թռցրել եմ… ֆորմատա պետք և այլն… Ստեղ կարծում եմ թեյնիկությունիցս օգտվելով մի քիչ չափազանցրել են… ֆորմատի կարիք լավ է չեղավ, պրծանք ռեքավըրի-ով 🙂 Դե ինչի էի էսքան գլուխներդ տանում, որ ասեմ` իմ նման չտաք ձեր նեթի հերը անիծեք, փաստորեն մի հատ սենց համով, ուծյու~  ծրագիր (սեղմեք բեռնելու համար) կա, որ առանզ զիզի-բիզի բաների իրա գործը խելոք անումա: 😀

Ու ձեզ մնումա ընտրել ալբոմը, ուզած նկարի մոտ պտիչկա դնել ու սեյվ անել 🙂

Ստուգեք, ձեզ copy չե՞ն արել

Do not Copy ! ! !

Համաճարակի պես տարածվող ինտերնետի ու սնկի պես աճող նորանոր բլոգերի այս ժամանակաշրջանում նույն արագությամբ էլ աճում է գրագողությունը: Պարզապես ինտերնետում ինքնահաստատվելու փորձեր անող որոշ օգտագործողներ կարդում, հավանում են ինչ որ բան, ու որոշում, որ կարելի է իրենցով անել: Դե երևի մեղք չունեն, որ տեղյակ չեն հեղիանակային իրավունքի մասին օրենքին, բայց գոնե տրամաբանությունը պիտի հուշի` “չի կարելի”:  Կամ միգուցե հուշում է ու անտեսվում` ինչպես կայքում տեղադրված “քոփի” անելն արգելող բանները…

Իսկ ինչպե՞ս իմանալ` ձեզնից ոչի՞նչ չեն “թռցրել” 😛 Ծանոթացեք. Copyscape, ինքը ստեղված է “Copy-paste”-ի զոհերին ու մեղավորներին հայտնաբերելու համար: Շատ պարզ է աշխատում, պարզապես ձեր կայքի/բլոգի հասցեն տեղադրում եք որոնման տողում ու սպասում, մինչև Քոփիսքեյփը համացանցում կհայտնաբերի այլ կայքեր, որտեղ բովանդակության համընկնում է նկատել կամ էլ չի հայտնաբերի 😀 (ուրեմն հանգիստ շունչ քաշեք): Առաջարկվում է նաև կայքում տեղադրելու անվճար բաննեռ: Իմ բլոգում ինքը արդեն բավական երկար ժամանակ է տեղ է գտել 🙂 Դե չգիտեմ ինչքանով ինքը ձեզ օգակար կլինի, բայց հուսով եմ որոշ պատճենողների զգուշանալու առիթ կտա:

Ֆուտբոլային

Այսօր լրիվ ֆուտբոլային տրամադրություններով եմ արթնացել… երևի պատճառը, որ դեռ քնաթաթախ “Ֆուտբոլ plus” գնեցի ու լրիվ արթնացա նյութերը կարդալով 😀 Դայջեսթ անեմ 🙂

Այսօր Սանկտ Պետերբուրգում “Համագործակցության գավաթի” խաղարկության 1/4-րդ եզրափակիչում մեր “Միկա”-ն  ժամը 15:00-ին մրցելու է Ադրբեջանի չեմպիոն “Ինտեր”-ի հետ: Անցկացված 3 հանդիպումներում մեր թիմը տարել է մեկ հաղթանակ, մի խաղն ավարտել ոչ-ոքի, և կրել մեկ պարտություն` արդյունքում գրավելով 2-րդ հորիզոնականը խմբում: Իսկ մեր մրցակից “Ինտեր”-ը խմբի առաջատարն է և ունի 3 հաղթանակ: Ու չնայած վերջինիս ֆան ակումբը վաղուց արդեն Սանկտ Պետերբուրգում է, հուսանք, որ մեր “Միկա”-ն նույնպես աջակցության պակաս չի զգա 🙂 մեզ հաղթանակ !

Ֆուտբոլի պատմության և վիճակագրության միջազգային ֆեդերացիան հրապարակել է 2010թ. ազգային առաջնությունների դասակարգման աղյուսակը, որը գլխավորում է Իսպանիայի հավաքականը: Մենք 80-րդ տեղում ենք 🙂 չնայած այս ցուցակը հրապարապվում է 1991թ-ից, առաջին անգամ այստեղ մենք ընդգրկվեցինք 2005-ին` 80 երկրների մեջ գրավելով նախավերջին հորիզոնականը, իսկ այս տարի ցուցակում ներկայացված է 125 երկիր…  Մեր հարևան Վրաստանը 40-րդն է, իսկ Ադրբեջանը` 86-րդը, վերջին տեղում էլ հանգրվանել է Ղրղզստանը:

Ֆուտբոլի պատմության և վիճակագրության միջազգային ֆեդերացիան հրապարակել է նաև 2010թ. աշխարհի լավագույն ռմբարկուների անունները: Էստեղ ուրախանալու ավելի մեծ առիթ ունենք 😀 Մեր հավաքականի հարձակվող Յուրա Մովսիսյանը 41-րդ տեղում է, ու~խ !!! Առաջին հորիզնականում Բադեր Ահմեդ ալ Մուտավան է, ում թերևս ես չեմ ճանաչում… 2-րդ և 3-րդ տեղերը հաջորդաբար զբաղեցնում են Սամուել Էտոոն և Դավիթ Վիլյան, իսկ Ոսկե գնդակի մրցանակակիր Մեսին 8-րդն է:

Ոնց որ թե էսքան բանն էի ուզում ասել, գնամ պարապեմ 😀

Հայոց պատմության խեղաթյուրումը

  • Պատմության նպատակային խեղաթյուրման սկիզբը

Ազատագրելով Արևելյան Հայաստանը, Փայտակարան նահանգը` Բակուրակերտ (Բաքու) մայրաքաղաքով պարսկական լծից, ռուսական բանակը և հայ կամավորները չէին կարող իմանալ, որ ժամանակի ընթացքում այդ տարածքում ապրող աննշան, թուրք-սևփափախ ազգային փոքրամասնությանը իրավունք կտրվի ինտերնացիոնալ Անդրբեջանական ՍՍՀ-ում լինել գլխավորը: Նրանք չէին կարող իմանալ, որ 20-րդ դարում թուրքերը կսկսեն իրենց վերանվանել “ադրբեջանցիներ” (ինչպես օրինակ Դոնի և Կուբանի ռուսները իրենց կնքեին նոր ազգություն` դոնացիներ, կուբանցիներ), չէին կարող իմանալ, որ Թուրքիայի պատմությունը նենգափոխողները պարսկական լծից ազատագրված Բաքուն անվանելու են Թուրքիայի երկրորդ մայրաքաղաք:

Զարմանալի է, երբ մարդը թաքնվում է ուրիշի անվան տակ, առավել զարմանալի, երբ դա անում է մի ողջ ազգ: Ի պատիվ այդ ազգության մտավորականության, աշխատողների ու գյուղացիների լավագույն մասի, պետք է նշել, որ նրանք ոչ պաշտոնապես իրենց անվանում են թուրք (կամ մուսուլման), բայց ոչ “ադրբեջանցի”, քանի որ “ադրբեջանցի” ազգություն և լեզու բնության մեջ ոչ եղել է, ոչ էլ կա. դա թուրք ազգն է, որ խոսում է թուրքական բարբառներից մեկով:

  • Որտեղի՞ց է առաջացել “Ադրբեջան” բառը և իրականում ի՞նչ է նշանակում:

Այս տեսանյութը պատրաստել է հայ մի երիտասարդ` ի պատասխան ադրբեջանցիների պատրաստած պատմությունը խեղաթյուրող տեսանյութի:

Մ.Թ.Ա. 321թ-ին Ալեքսանդր Մակեդոնացին իր զորավար Արտրոպատին ղեկավար է նշանակում Արևելյան Հայաստանի Կապուտան լճից (Ուրմիա) մինչև Կասպից ծով ընկած տարածքում: Այդ ժամանակից ի վեր Արևելյան Հայաստանի մաս կազմող վերոհիշյալ տարածքը կոչվեց Ատրպատական, պարսկերեն` Ատրպայական, արաբերեն` Ադրբեջան: Ատրպատականը մշտապես կռվախնձոր է եղել Հայաստանի և Պարսկարստանի միջև: Read more of this post

Աբովյան փողոց…

Երեկ, այսօր ու վաղը…

Abovyan street

Երևանը իր պատմության ընթացքում կուտակել է բազմաթիվ անուններ, որոնք մնում են որպես ուղենիշ նրա պատմության գանձարանում և շատ բան են պատմում անցյալից և լուռ վկա դառնում քաղաքի տարեգրությանը:

Այդպիսին է նաև Աբովյան փողոցը: Ժամանակին քաղաքում շրջող ձիավորն ու հետիոտնը, սայլապանն ու ավելի ուշ շրջանում կառապանը, հարմարվել են ոչ լայն փողոցներին և ոչ բարձրահարկ շենքերին:

1855 թվականին Կովկասի փոխարքան (որի նստավայրն էր Թիֆլիսը) հաստատեց Երևան քաղաքի փողոցների պլանավորումը, որոնց համար սահմանվեց 6-20 մետր լայնություն: Read more of this post

Ժողովուուուուրդ……. :D

Վաաայ… դե արի բառերդ հավաքի… լրիվ ցիր ու ցան է եղել աջ ու ձախ … 😀 դեմքիս մի հատ մեծատառ D-ա ծնվել ու չի գնում: Պարզվումա էսօր մանկական եվրատեսիլն էր… 😀 դե հիմա բոլորն էլ գիտեն, որ եվրատեսիլ էր… բայց էտ պահին ես կլանված էի Բարսելոնա-Ալմերիա կատաղած խաղով ու երբ մամաս հայտնեց նորությունը, ուշադրության չարժանացրի. քվեարկության արդյունքների ժամանակ կգամ: Ու Բարսաս ջախջախիչ հաղթանակ տարավ` 8-0 😀 բարձր տրամադրությամբ շտապեցի հյուրասենյակ` եվրատեսիլյան քվեարկությանը հետևելու… առաջին տեղով էինք գնուուուում… աաաաաաաա… մեկ էլ էտ վրացիքի բրուտոսավարի քայլից հետո կարծեցի առաջին տարվա պատմությունը հեսա կկրկնվի ու հաղթանակը մեր քթի տակով կթռնի…  բայց հարևաններիս բախտը չբերեց, ու  գիշերվա մեկին ես ուրախությունից ձենս քցեցի գլուխս 😀 աաաաաաաաա …. ՄԱՄԱ’… ապրեեեես Վալոդիիիկ, կեցցեեես !!! ուծյու!!!!

Մի անգամ 2… կամ…

Զգուշացեք տոպրակով “ձաձա”-ներից…

Շաբաթ օր էր, 90 համարի երթուղայինով գնում էի գործի, եթե այս երթուղուն ծանոթ չեք, ասեմ, որ Մասիվից շուրջերկրյա ճամփորդություն անելով` Հրազդան ստադիոնով… ավտոկայանով… Արարատյան մասիվով… գնում է Մալաթիա: Ու միշտ լիքն է լինում, էն որ ասում են դուռը բացես, մարդ է թափվում, իսկը այստեղ են ասել: Նստել էի դռան մոտի մի տեղանոց նստարանին, ու էնքան էին խցկված, որ մի քիչ առաջ գնալու ու գլխավերևում կանգնածին տեղ տալու հնարավորություն էլ չկար: Բացի իմինից, ևս երկու պայուսակ էի գիրկս առել: Համալիրի մոտից մեքենան ավելի լցվեց… թե ասա այ վարպետ, տեղ չկա, ուր ես կանգնում: 😦 Մի խոսքով… տղայի հետ բարձրացավ մի “ձաձա”` ձեռքին էնքան բարակ տոպրակ, որ թվում էր` մեջն ընդամենը մի թուղթ է: Էս “ձաձա”-ն գնալով առաջանում էր իմ կողմ, վերջը տոպրակն էլ բերեց դրեց գիրկս հավաքած պայուսակների գլխին: Read more of this post

Ադրբեջանական ցեխ շպրտող կայքերից…

Հայագիտության արդի մարտահրավերները համացանցում առարկայի շրջանակներում հանձնարարական ունեինք` ուսումնասիրել ադրբեջանական որևէ կայք, ու ներկայացնել ռեֆերատ: Այսօր առավոտ վերջնաժամկետն էր.. Երեկ գիշեր արդեն ժամը 1-ն էր, ես նոր սկսեցի հավաքել ներածություն բառը… 😀 Մինչև լուսադեմ` ժամը 6-ը գրում էի.. ու գրում… մի քանի ժամից պիտի ներկայացնեի… վերջը. ստացվեց ինչ ստացվեց 😛

*********************************************

Աշխատանքում ուսումնասիրել ենք հայերին սևացնող ադրբեջանական հերթական կայքերից մեկը. www.ramilsafarov.tk, որ գործում է 2007թ-ից: URL-ից կարելի է ենթադրել, թե կայքն ամբողջությամբ նվիրված է Ռամիլ Սաֆարովին, մարդու, ով կացնահարել է հայազգի սպա Գուրգեն Մարգարյանին քնի մեջ և արժանացել ցմահ բանտարկության: Մինչդեռ, ինչպես հաջորդիվ խորագրերին անդրադառնալուց կտեսնենք, նյութերի բուն նպատակը հայերի նկատմամբ ատելություն սերմանելն է, վատ լույսի ներքո ներկայացնելը, և որոշ նյութերում համեմատականներ տանելով Ռամիլ Սաֆարովի ու մի շարք հայերի գործողությունների միջև` հռետորական հարցապնդումներով փորձել կարդացողի աչքերում արդարացնել դաժան հանցագործությունը… Ինչը, թերևս, արդարացնել անհնար է:

Նախ սկսենք կայքի արտաքին տեսքից, այնուհետ առանձին-առանձին կանդրադառնանք խորագրերին ու ենթախորագրերին:

Read more of this post

Այ քեզ բան =(

Ջաբրաիլում ծառայող ընկերներիցս Սուրենի մասին մի անգամ էլ եմ գրել: Միշտ երբ զանգում է, հետ եմ զանգում. եղբայրս էլ է բանակում ու գիտեմ, հեշտ բան չի ծնողների համար հաճախակի հեռախոս լիցքավորելը: Երեկ խոսում էինք, երբ պատահական զանգն ընդհատվեց ու Սուրոն անհասանելի դարձավ 😦 շատ էր էտպես եղել, ու միշտ մտածում էի. “Աչքիս “պալկան” եկավ”… Էսօր “խոսքի մեջ” չդիմացա, հարցրի: “Չէ… փողերս պրծան”,- պատասխանեց: Մի պահ զարմացա… ախր ես էի զանգել… պարզվում է Ղ-տելեկոմի համարից փողերը գնում են ոչ միայն զանգելուց, այլև զանգեր ընդունելուց… :/ կիսովի էլի… Այ քեզ բան 😦 Ինձ մի պահ մեղավոր զգացի, որ էտքան երկար եմ բլբլացել` տելեկոմի պայմաններին տեղյակ չլինելով: Բայց ախր անարդարա է… Էլ թե կիսովի ասվածը ինչքան էր, ամաչեցի հարցնեմ…

Hi-line չլոցին

Շուրջ մեկ ամիս է գովազդներից Արամ MP3-ին ուրախությամբ մեզ է տեղեկացնում,  որ hi-line ինտերնետն այժմ կրկնակի արագ է: Իրոք շատ ուրախալի լուր ինձ նման բաժանորդների համար, ովքեր ինտերնետում մեծամասամբ ֆիլմեր են դիտում և ոչ միայն… Նախկինում 256kb արագությամբ կապս որակով չէր փայլում, բայց օգոստոսի վերջից անասելի վատթարացավ` լավանալու փոխարեն: ՄԵկ ամիս տառապում էի` րոպեն մեկ connect/disconnect անելով. լինում էր ինտերնետս անջատվում էր միանալուց 5 վրկ անց… անհնար է փոխանցել պահի նյարդայնությունը: Ամբողջ ամսվա ընթացքում 3 անգամ է եղել, որ ամենաերկար անընդհատ ինտերնետն ունեցել եմ 30 րոպե: Երևի Beeline օպերատորներն արդեն ձայնս անգիր էին արել, չգիտեմ էլ օրական քանի անգամ եմ նրանց անհանգստացրել… Բողոքս գրանցում էին ու մասնագետ ուղարկում: Վերջինս 2 անգամ է այցելել. երկուսն էլ ալկոհոլային բուրմունքով և դեմքի այնպիսի արտահայտությամբ կարծես (տատիս խոսքերով) իր թանին թթու են ասել: Առաջին այցի ժամանակ պարոնը (անունն ամեն դեպքում չեմ ուզում նշել) դժկամությամբ ստուգեց գծերը` արանքներում չմոռանալով փնթփնթալ, թե իրեն իզուր հասցրին այստեղ… ու հայտարարեց` ամեն ինչ մաքուր է. խնդիրը մոդեմն է: Հաջորդ իսկ առավոտ մոդեմը տարա մոտակա սպասարկման կետ. այստեղ էլ հաստատվեց, որ ամեն ինչ կարգին է: Ու նորից մեր տուն ուղարկեցին դժգոհ մասնագետին, որը նոր բան անել չէր պատրաստվում, հիմա էլ հորդորում էր “կամպյուտերշիկ” կանչել` համակարգիչը ստուգելու համար: Համոզեցինք, որ այս անգամ գիծը ստուգի ոչ թե մինչև պատի բաժանման տուփը, այլ մինչև մոդեմ և հեռախոս: Ահա թե որտեղ էր թաղված շան գլուխը :D… Ատեեսը հաղորդեց` գիծը մաքուր չէ!

Ինչ է հնարավոր չէր հենց սկզբից ստուգել գիծը մինչև վերջ? Չէ որ մեկ ամսվա չլոցիի փոխարեն` խնդիրը լուծվեց 5 րոպեում` հաղորդալարը փոխելով… Ինչու մասնագետն իր տեղում չէր?

%d bloggers like this: