Գրողը տանի

Շուտ եմ ասել` տրամադրությունս թափելու ա…
Ըհը~, հայտնաբերեցի, որ բլոգ վարելուն հետ եմ վարժվել, մտել եմ ու New post-ն եմ ման գալիս…. չկա, մոռացա էլ առաջին նախադասությունս ինչ էի շարադրել: ՈՒֆ, էլի բողոքական ու անտրամադիր եմ 😦 հերթով տնեցիների ականջը հարդուկելով, հետո էլ` ֆբ չատում ընկերներիս աչքերը ցավացնելով` ինչքան էլ բողոքվեցի, էլի մի տեսակ էն չի, էլի էն դատարկությունը չի անցնում, էսօրը չի մարսվում. ինչ-որ մի բան ծանրացել ու կուլ չի գնում:

Դե իհարկե, միշտ սենց դեպքերում միայն բլոգս ա օգնում: Չգիտեմ էլ ինչ եմ ուզում գրել, մի տեսակ հիասթափությամբ լի օր դարձավ էս “մոգական” 11.11.11-ը… ես գիտեի, որ սրա վրից լավ հոտ չի գալիս:

Բայց էտ 1-երը տուտ նե պրիչյոմ, ու հեչ էլ չեմ պատրաստվում պատմել, թե օրս ոնց անցավ, ոնց էի ֆուտբոլի ժամանակ ստադիոնում սառել -կապտել, հանդերձարանի մոտ հարցազրույցի սպասելուց ոնց էի ցրում ինձ խոսացնող ոմն տարօրինակ բերետի օ.Օ ու թե ինչի մինչև հասա տուն` տրամադրությունս արդեն գետինը սրբելով էր ման գալիս…

Էլի ես իմ հիմար բնավորության ձեռքը կրակն եմ ընկել: Ուզում եմ փոխվել, մտածելակերպս ուղղակի հանցագործություն ա իմ զգացմունքների նկատմամբ :/ Մի խորհուրդ տվեք… ինչ անեմ, որ արտաքին ազդակներից սենց տակն ու վրա չլինեմ: Ինչի են ինձ սենց էմոցիոնալ սարքել: Հա շատ բան կարա լինի, ու ամեն ինչ սենց ծանր պիտի տանեմ?

Տո ասա ինձնից ինչ բնավորություն փոխող, ուֆ, գնամ բարձս գրկեմ ու զռռամ, բալքի անցնի :S

Advertisements

Ֆուտբոլային

Այսօր լրիվ ֆուտբոլային տրամադրություններով եմ արթնացել… երևի պատճառը, որ դեռ քնաթաթախ “Ֆուտբոլ plus” գնեցի ու լրիվ արթնացա նյութերը կարդալով 😀 Դայջեսթ անեմ 🙂

Այսօր Սանկտ Պետերբուրգում “Համագործակցության գավաթի” խաղարկության 1/4-րդ եզրափակիչում մեր “Միկա”-ն  ժամը 15:00-ին մրցելու է Ադրբեջանի չեմպիոն “Ինտեր”-ի հետ: Անցկացված 3 հանդիպումներում մեր թիմը տարել է մեկ հաղթանակ, մի խաղն ավարտել ոչ-ոքի, և կրել մեկ պարտություն` արդյունքում գրավելով 2-րդ հորիզոնականը խմբում: Իսկ մեր մրցակից “Ինտեր”-ը խմբի առաջատարն է և ունի 3 հաղթանակ: Ու չնայած վերջինիս ֆան ակումբը վաղուց արդեն Սանկտ Պետերբուրգում է, հուսանք, որ մեր “Միկա”-ն նույնպես աջակցության պակաս չի զգա 🙂 մեզ հաղթանակ !

Ֆուտբոլի պատմության և վիճակագրության միջազգային ֆեդերացիան հրապարակել է 2010թ. ազգային առաջնությունների դասակարգման աղյուսակը, որը գլխավորում է Իսպանիայի հավաքականը: Մենք 80-րդ տեղում ենք 🙂 չնայած այս ցուցակը հրապարապվում է 1991թ-ից, առաջին անգամ այստեղ մենք ընդգրկվեցինք 2005-ին` 80 երկրների մեջ գրավելով նախավերջին հորիզոնականը, իսկ այս տարի ցուցակում ներկայացված է 125 երկիր…  Մեր հարևան Վրաստանը 40-րդն է, իսկ Ադրբեջանը` 86-րդը, վերջին տեղում էլ հանգրվանել է Ղրղզստանը:

Ֆուտբոլի պատմության և վիճակագրության միջազգային ֆեդերացիան հրապարակել է նաև 2010թ. աշխարհի լավագույն ռմբարկուների անունները: Էստեղ ուրախանալու ավելի մեծ առիթ ունենք 😀 Մեր հավաքականի հարձակվող Յուրա Մովսիսյանը 41-րդ տեղում է, ու~խ !!! Առաջին հորիզնականում Բադեր Ահմեդ ալ Մուտավան է, ում թերևս ես չեմ ճանաչում… 2-րդ և 3-րդ տեղերը հաջորդաբար զբաղեցնում են Սամուել Էտոոն և Դավիթ Վիլյան, իսկ Ոսկե գնդակի մրցանակակիր Մեսին 8-րդն է:

Ոնց որ թե էսքան բանն էի ուզում ասել, գնամ պարապեմ 😀

VIVA BARCA~

Բարսելոնա — Ռեալ … 😀 ասելու կարիք չկա թե այս երկու թիմերի հանդիպումներն ինչ լարված են անցնում… Իմ համար այդ օրը տոն է, Բարսայի հաղթանակի դեպքում` կրկնակի տոն… 🙂 ավարտվեց երկար սպասված հանդիպումը… ու ես տոնում եմ 😀

Առաջին իսկ րոպեներից իր գրոհներով աչքի էր ընկնում Բարսելոնան ու անընդհատ վաստակում անկյունայիններ: Արդյունքը շատ չուշացավ. 10-րդ րոպեին Ինիեստայի դիպուկ փոխանցումը եզրափակեց Չավին` Կասիլիասի գլխավերևով գնդակը հանգիստ ուղարկելով դարպասը: Ռեալը կարծես սթափվեց գոլից հետո: Պատասխան գրոհներից շատերը վտանգավոր հարվածներով էին վերջանում, սակայն Վալդեսն իր տեղում էր: Նույն տեմպը Ռեալին չհաջողվեց երկար պահել: Իսկ ահա 17-րդ րոպեին Դավիթ Վիլյան, շրջանցելով Ս. Ռամոսին, գնդակն ուղարկեց դարպասի կողմը… Վրա հասած Պեդրոն ճիշտ ժամանակին ճիշտ տեղում էր… և Նոու Կամպը երկրորդ անգամ թնդաց կատալոնացիների ոգևորությունից: Բարսայի գրոհները շարունակվում էին, և շատ անգամ հաշվի տարբերությունն ավելի կարող էր մեծանալ: Կես ժամ էր անցել խաղի մեկնարկից, երբ խաղացողների նյարդերը տեղի տվեցին. վիճաբանություն ծագեց: Ք. Ռոնալդուն գնդակը Պեպ Գվարդիոլայից վերցնելուց հետո հրեց վերջինիս, ինչը իհարկե առաջացրեց թիմի վրդովմունքը: Առավել իրեն զսպել չկարողացավ Վալդեսը: Երկուսն էլ պատժվեցին դեղին քարտով:

Երկրորդ խաղակեսը նորից սկսվեց Բարսայի գրոհներով: 10 րոպե չանցած Մեսսիի փոխանցումից Վիլյան հեռահար հարվածով խոցեց դարպասը: Շատ սիրուն գոլ էր… Ընդամենը 3 րոպե էր անցել, երբ Վիլյան դարձավ դուբլի հեղինակ` ոչ պակաս գեղեցիկ հարվածով գրավելով դարպասը: 4-0: Ռեալի խաղացողները սկսեցին ավելի կոպիտ խաղալ` նրանցից 6-ն արդեն զգուշվել էին: 76-րդ րոպեին Վիլյային փոխարինեց Բոյան Կրկիչը, ով խաղադաշտ դուրս գալով միանգամից աչքի ընկավ հիանալի գրոհով ու կարող էր խփել 5-րդ գոլը, բայց պաշտպաններին հաջողվեց կասեցնել նրան: Ամբողջ ընթացքում խաղը Բարսայի ձեռքում էր: Ավելացված ժամանակի առաջին րոպեին լուսատախտակներին վառվեց 5-0 հաշիվը: Աչքի ընկավ Ժեֆռենը: Ու նորից Ռեալը իր բարկությունը թաքցնել չկարողացավ: Ռամոսը կոպիտ խաղաց Մեսսիի նկատմամբ, բայց երևում է զայրույթը լրիվ չէր էլ թոթափել, հրեց Պույոլին… Չավիին… Իհարկե շատ տգեղ էր նման պահվածքը, և պատժվեց կարմիր քարտով: Տղանեեեր, պետք է ախր պարտվել իմանալ… 🙂

Իսկ մեր տղեքն ապրեն: Շնորհավոր 😉

45 հորիզոնականով բարձր

 


Հայաստան-Սլովակիա հանդիպումից

 

Այսօր Ֆիֆան հրապարակեց ազգային հավաքականների դասակարգման աղյուսակը: Մեր հավաքականը զբաղեցնում է 60-րդ տեղը…  Մեր հավաքականի պատմության մեջ սա լավագույն արդյունքն է!! Մինչ այս զբաղեցրած ամենաբարձր հորիզոնականը եղել է 78-ը` 2008թ-ին 😀 Անցած ամսվա համեմատ մենք բարձրացել ենք 45 հորիզոնականով… Այս ցուցանիշին թերևս պարտական ենք վերջին երկու խոշոր հաղթանակներով: Եվրո-2012 ընտրական փուլում մեր մրցակիցները հետևյալ տեղերում են.

10 — Ռուսաստան

20 —  Սլովակիա

32 —  Իռլանդիա

70 — Մակեդոնիա

202 — Անդորրա… վերջինս ընդ որում վաստակել է ընդամենը 2 միավոր 😛

Աղյուսակը գլխավորում է Իսպանիան 😉 իսկ երկրորդ ու երրորդ տեղերը` համապատասխանաբար` Հոլանդիան և Բրազիլիան:

Ջաաաաաաաաաաաաաաան

Այսօր մեր հավաքականը ուժերը չափեց  Անդորրայի հավաքականի հետ …. մեր թիմից կարգով բավական բարձր Սլովակիային ջախջախելուց հետո, բոլորը հաղթանակ էին սպասում նաև վարկանիշային աղյուսակում մեզանից 100 հորիզոնականով ցածր Անդորրայի նկատմամբ: 😀 էստեղ մի հատ բաաաաարձր ՈՒՌԱԱԱԱԱԱԱԱԱԱԱԱԱԱ: Սենց գերագույն հաճույք մերոնց խաղից մեկ էլ ուրբաթ օրն եմ ստացել 😛 ՀԱ-ՅԱ-ՍՏԱԱԱԱԱՆ: Կրեցինք…. էլի կրեցինք ժողովուրդ: Ավելի խոշոր` 4-0 հաշվով: Դաժան աշխատանքիս պատճառով առաջին խաղակեսը բաց թողեցի, տուն հասա ընդմիջմանը: Ավետաբերս ապերիկս էր… բանակից :Դ “3-0 հաղթում ենք… “…. ականջներիս չէի հավատում: Հիմա լցված եմ լիքը “ՈՒՌԱԱԱԱ”-ներով: Խաղի մասին էլ չգրեմ.. դժվար մեկը բաց թողած լինի հանդիպումը… մեր հավաքականը արդեն 7 միավոր ունի… և խմբում առաջատարն է!!! Առաջնության մյուս հանդիպումը արդեն մյուս տարի կլինի… լիահույս սպասենք մարտ ամսին 🙂

ԿՐԵՑԻՆՔ!!!!

Ապրեն մեր տղեքը 😀  Եվրո 2012 ընտրական փուլում մենք առաջին հաղթանակը տարանք…  Հայաստանի հավաքականը 3-1 հաշվով առավելության հասավ խաղի ֆավորիտ համարվող և խմբի առաջատար Սլովակիայի հավաքանի նկատմամբ: Հաշիվը բացեց Յուրա Մովսիսյանը` 23-րդ րոպեին մեն մենակ դուրս գալով դարպասապահի առաջ: Ուրախությունս 15 րոպե էլ չտևեց, երբ սլովակները հաշիվը հավասարեցրին…   Երկրորդ խաղակեսի սկզբին Մանուչարյանի գրոհը ավարտին հասցրեց Գևորգ Ղազարյանը: 😀 Դե իսկ 89-րդ րոպեին Հենրիխ Մխիթարյանի անչափ գեղեցիկ հարվածը փշրեց սլովակների միավոր վաստակելու հույսերը: Հենոն դիպուկ հարվածով մրցակցի 4 պաշտպանների միջով գնդակն ուղարկեց Մուխայի պաշտպանած դարպասը… Շնորհավորում եմ հայեեեր… Շատ սպասված ու քաղցր հաղթանակ էր !!!

Խառը-մառը

Dashboard-ում կուտակված անավարտ սևագրերս տեսա ու ամաչեցի… բայց հաստատ էլ ոչ մեկը ավարտին չեմ հասցնի` մուսան փախելա.. ժամանակն անցել… Մինի արձակուրդիցս հետո էս ոնց եմ թամբալացել…  Դե  հրաշալի հանգստից հետո արի ու հիշողությունները մի կողմ դիր ու անցիր հին գրաֆիկի. մի գործից մյուսին… հիմա էլ սեպտեմբեր… դասեր…

Բայց սեպտեմբերը զարմանալիորեն սիրում եմ. դասերի հետ մեկնարկում է նաև Չեմպիոնների լիգան ու մի շարք երկրների առաջնություններ 😀 Առաջին տուրի հանդիպումներն արդեն կայացան: Կուզեի անդրադառնալ իմ սիրած թիմերի խաղերին: Շատ տխրեցրեց “Մանչեստր Յունայթեդ”-“Գլազգո-Ռեյնջերս” հանդիպումը: Ոչ ոքի հաշիվը անակնկալ էր, բացի այդ լուրջ վնասվածք ստացավ կիսապաշտպան Անտոնիո Վալենսիան ու հնարավոր է այս մրցաշրջանում վերջինիս էլ չտեսնենք: Փոխարենը խոշոր հաշվով հաղթեց Բարսան 😀 !! Հետ չմնաց և Միլանը` 2-0 պարտության մատնելով “Օսերին”: “Շախտյոր”-“Պարտիզան” հանդիպմանը  Հենրիխ Մխիթարյանը հայտավորված չէր 😦 : Երկրորդ տուրի ժամանակ լիահույս եմ տեսնել նրա խաղը:

Սպորտային ոգևորությունս էսքանով չի ավարտվում 😉 Այսօր էլ մեկնարկում է ծանրամարտի աշխարհի առաջնությունը, որտեղ մենք 10 մասնակից ունենք ու չնայած վնասվածքի պատճառով բացակայում են Առաքել Միրզոյանն ու Նազիկ Ավդալյանը, ակնկալիքները մեծ են: Մերոնց հաղթանակներ!!! Մեզ էլ բարի դիտում! Ինչ դաս… ինչ բան… 😛

էս ամիսն ինչ արագ թռավ…

 

 

Տեսնես էս հրաշքին ով տուն կտանի...

 

Բա… հասանք եզրափակիչ 🙂 Խմբային փուլում մի քիչ զարմացնող, տեղ-տեղ էլ հիասթափեցնող խաղը վերջին հանդիպումներում լրիվ վերափոխվեց: Ի սկզբանե 2 թիմի էի երկրպագում.. ու ինչ երջանկություն… երկուսն էլ եզրափակիչում են… 😀 անհամբերությամբ եմ սպասում կիրակի օրվան. Հոլանդիա -Իսպանիա!! Չգիտեմ էլ ում հաղթանակից ավելի կուրախանամ` ես արդեն հաղթել եմ:

Մէ խինդ… մէ ծիծաղ…

Ուուու~~խ, ինչ խաղ էր.. ավելի շուտ ինչ երկրորդ խաղակես էր 😀 Պորտուգալիան լրիվ նախորդ հանդիպման տեղը հանեց…  Խեղճ կորեացիներ… չեմ նախանձում իրանց երկրպագուներին… Բա, որ կորեացիների թիմից չորսը կորել էին, ինչ ասես չմոգոնեցին… էսօր իմացա, որ հայտնաբերել են էտ չորսին :)))))

Ռոնալդուի խաղը շատ հավանեցի, դե գոլի մասին խոսք չկա, շատ սիրուն էր… just wanna watch it again and again… Այ այս խմբի վերջին հանդիպումը- Պորտուգալիա-Բրազիլիա… ինչ է լինելու… անհամբերությամբ սպասում եմ 😉

Սյուրպրիզ… :((

Էնքան տխրեցի, զոռով եմ փոստ անում, բայց հիասթափությունս էլ եմ ուզում կիսել 😦 Իսպանիան.. Եվրոպայի գործող չեմպիոնը պարտվեց Շվեյցարիային… Դինամիկ խաղ ու անսպասելի գոլ: Իսպանիան ուներ թե’ տարածքային առավելություն, ավելի շատ էր տիրում գնդակին… մինչդեռ շվեյցարացիները հաճախակի խախտում էին կանոնները` չորս խաղացող դեղին քարտ ստացավ, բացի այդ, իսպանացիների կատարած 24 հարվածին ի պատասխան շվեյցարացիները ութ հարված կատարեցին, որից ընդամենը 3-ը դարպասին…  Բայց դե վիճակագրությունը մի բան է ասում, իսկ արդյունք այլ է… Բա անկյունայինները… 12 ու 3… Բայց դե Իսպանիայի պաշտպանների սխալը լավ առիթ դարձավ Ֆերնանդեշի համար 3 միավոր բերելու իր թիմին… էէէէհ.. պատկերացնում եմ, որ ես եմ սենց տխրել, բա Իսպանիայում ինչ ա կատարվում…. Մնում է հուսալ, որ խմբային մյուս երկու փուլում կտեսնենք ԻՍՊԱՆԻԱՅԻն, կտեսնենք արդյունավետ խաղ ու կտեսնենք Ֆաբրեգասին… հուսով եմ դել Բոսկեն հաջորդ խաղին ավելի կկարևորի այս ֆուտբոլիստի ունակությունները 🙂

%d bloggers like this: